Banorët e zonës së Yrshekut po përballen me një situatë të vështirë pas heqjes së mbikalimit të Yrshekut, i cili ka shkaktuar vështirësi në kalimin e qytetarëve në anën tjetër për të përdorur autobusët që i drejtohen Vorës dhe anasjelltas.
Ata thonë se dy ditë pas heqjes së mbikalimit, nuk ka asnjë punonjës që po vazhdon punimet duke përkeqësuar më tej situatën.
Sipas tyre, ditën e djeshme autoritetet lokale i kanë njoftuar se do të kishte një bllokim për 4-5 orë, por deri tani nuk ka asnjë përparim në punimet e mbikalimit.
Kjo situatë ka shkaktuar një kaos të madh për banorët, pasi është një zonë e populluar dhe industriale, ku trafiku është i rënduar dhe nevojat për transport janë të shumta.
Qytetarët kërkojnë ndërhyrje të menjëhershme nga autoritetet për të zgjidhur këtë problem dhe për të rikthyer normalitetin në përditshmërinë e tyre.
Denoncimi 1:
Te lutem beje publike, kanë 2 dite që kane hequr mbikalimin e Yrshekut dhe nuk kemi si te kalojme ne anen tjeter per te perdorur autobusin e Vores per te ikur ne pune. Nderkohe nuk ka asnje puntorë per te vazhduar punimet. Dje thane do bllokohet 4 -5 ore. Dita e dyte pa mbikalim
Denoncimi 2:
Pershendetje JOQ, qeveria ben autostraden dhe prishen mbikalimet duke shkaktuar kaos te banoret e zones. Pasi eshte zone e populluar dhe indistriale
