Një ngjarje e rëndë ka tronditur qytetin e Lushnjes ditën e sotme.
Sipas raportimeve të para, një vajzë 15-vjeçare është hedhur nga një pallat në zonën pranë Bashkisë, në qendër të qytetit. Ende nuk dihen shkaqet e këtij veprimi ekstrem, ndërsa autoritetet ndodhen në vendngjarje për të kryer hetimet e nevojshme.
Nuk ka ende informacion mbi rrethanat që çuan në këtë akt të rëndë, por mësohet se fatkeqësisht e reja ka humbur jetën. Ngjarja ka shkaktuar tronditje tek banorët e zonës, ndërsa priten më shumë detaje nga autoritetet për të sqaruar rrethanat dhe motivet e saj.
