Detaje të reja kanë dalë nga plagosja e ndodhur paraditen e sotme në gjimnazin “Shote Glica”në Fushë Krujë.
Mësohet se 18-vjeçari Klisman D. është qëlluar një herë në qafë. Ai është paraqitur vetë në Ambulancën e Fushë Krujës, me thikën ende në qafë dhe në këtë mënyrë është dërguar pranë Spitalit të Traumës.
Mësohet se 18-vjeçari ka humbur shumë gjak dhe është në rrezik për jetën.
Autori i dyshuar është shoqëruar në komisariat për veprime të mëtejshme ndërsa grupi hetimor po vijon punën për sqarimin e rrethanave të ngjarjes.
