Një qytetare ka denoncuar një incident të pazakontë në farmacinë “Kimetes”, ku ka marrë një ilaç të përdorur, që i ka kushtuar 1250 lekë. Sipas denoncueses, ajo mori recetë nga mjekja për një "Sprajt" për një virozë të mundshme dhe shkoi në farmaci për ta blerë. Por, ajo thotë se ilaçi që i u dorëzua ishte i hapur dhe përdorur deri në gjysmë, ndërkohë që nuk ka marrë as faturë për blerjen e tij. Ky rast ka shkaktuar shqetësim te qytetarët, të cilët kërkojnë masa ndaj farmacive që shkelin rregullat e tregtimit të medikamenteve.
Denoncuesja shprehet:
“Mora recetën tek mjekja e cila më tha në fillim të marr vetëm “Sprajtin” se ndoshta është virozë e momentin, prit dhy ditë dhe më pas merr ilaçet e tjera.
Shkova në farmaci dhe mora ilaçin, por më qëlloi i hapur, i përdorur deri në gjysmë. 1250 lekë e bleva, nuk i mora as faturë, asgjë”- thotë ndër të tjera qytetarja
Te farmacia Kimetes, me qëlloi ilaçi i përdorur, 1250 lek! pic.twitter.com/XHB4kZB2te
— JOQ Albania (@JoqAlbania) March 17, 2025
