DEVIS SHPK është kompania që është paguar më shumë nga Buxheti i Shtetit nga Sektori i Shëndetësisë nëpërmjet procedurave të tenderimeve publike. Për këtë kompani në pronësi të Kristinka Lekës kemi shkruar edhe artikuj të mëparshëm se si, nëpërmjet shkeljeve me ligjin e Prokurimeve Publike, kompania e bashkëjetueses së BOSS-it të prostitucionit Lefter Lamaj përfiton nga taksat e shqiptarëve, jo MILIARDA në vit, por në javë!
Këtë radhë, nëpërmjet dy tenderave me objekt “Shërbim lavanterie” në një kohëzgjatje prej 7 ditësh nga njëri tjetri, të Spitalit të Vlorës dhe atij Psikiatrik të Elbasanit, “DEVIS shpk” ka arkëtuar 3.3 MILIARD LEKË PA TVSH.
Në tenderin e Spitalit Psikiatrik të Elbasanit, me vlerë 1.5 MILIARD LEKË kompania e Lekës është shpallur fituese më 27 Tetor me shkelje për skualifim të të gjithë operatorëve konkurrues përveç fituesit, ndërsa me datë 4 Nëntor është shpallur fituese nga Spitali Rajonal i Vlorës për tenderin me të njëjtin objekt prokurimi me vlerë 1.8 MILIARD LEKË PA TVSH, ku të dy tenderat janë me procedurë të hapur.
Rikujtojmë se DEVIS SHPK mban stafetën e kompanive të oligarkëve të Shëndetësisë që ka përfituar më shumë tendera publikë me një vlerë totale prej 11 MILIARD LEKËSH, të kapërcyer tashmë që nga të dhënat e fundit publike. Të gjithë tenderat e përfituar nga kjo kompani janë për shërbime lavanterie.
Kompania ka qenë në pronësi të Lefter Lamajt, i cili më pas ia kaloi aksionet bashkëjetueses dhe mamasë së fëmijës së tij Kristinka Lekës për 80 milionë lekë. Ky i fundit, i dënuar në shtetin fqinj, Itali, për prostitucion.
*Shënim I: Pjesët e nënvizuara në tekst apo ato me ngjyrë të kuqe, janë hiperlinke që të drejtojnë në faqe të tjera, informacione shtesë, shpjeguese në lidhje me lajmin*
© 2020 JOQ ALBANIA Të gjitha të drejtat e rezervuara
Ky artikull është ekskluziv i JOQ ALBANIA, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar JOQ ALBANIA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
