Është bërë e modës tashmë, që kush nxjerr të palarat e shtetit dhe qëndron krah qytetarëve për të denoncuar problematikat e tyre, sulmohet nga armata e atyre që u cënohet xhepi plot me para. Për të dytën herë, fiks pas një viti, ditën e sotme, është censuruar informacioni i Medias së Shqiptarëve, JOQ ALBANIA-s, duke mbyllur kështu faqen me 2 milionë ndjekës në Facebook.
Pas mbylljes së domainit vitin e shkuar, sot, i njëjti sekt mavi, ka sulmuar faqen e JOQ në Facebook, duke ndaluar kështu zërin e qytetarëve dhe informacionin e paanshëm që media përcjell. Në një situatë të vështirë pandemie, JOQ ALBANIA, kohët e fundit ka nxjerrë në pah hallet e pafundme të shqiptarëve dhe duket fare qartë se për pushtetarët është më e lehtë t’i vënë ‘zinxhir’ gojës së qytetarëve sesa të merren me hallet e tyre të përditshme.
Ky sulm, vjen gjithashtu në një kohë, kur vendi është duke pritur Zgjedhjet Parlamentare, dhe frika se “Rilindja” nuk do jetë grupimi që do e kthejë Shqipërinë në Diktaturë, ka bërë që prioritet të jetë censurimi i mediave opozitare dhe ndalimi i fjalës së lirë. Objektivi kryesor i JOQ ALBANIA-s ka qënë, është dhe do të mbetet përherë, bërja publike e problematikave të shqiptarëve dhe zgjidhja sa më shpejt e tyre. Ky objektiv, do vazhdojë të jetë i njëjtë, përsa kohë që JOQ ka në krah shqiptarët, besimin e tyre dhe çdo informacion të drejtë që ata përcjellin.
Nuk na mbetet gjë tjetër, veçse të themi se po punohet për rikthimin e faqes në Facebook dhe zëri juaj do vazhdojë të jetë po aq i fortë sa ka qenë gjatë gjithë kësaj kohe që kemi qenë bashkë. Deri atëherë, ju KUJTOJMË që faqja jonë zyrtare e dytë tashmë është JOQ News dhe kini kujdes mos bini pre e mashtrimeve nga faqet e tjera, pasi të gjendur në këtë situatë qëllimi i tyre është vetëm përfitimi.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Qytetari nga Tirana
Qytetari nga Tirana, i cili çdo ditë, shkonte në fshatrat e Tiranës dhe ushqente qentë e rrugës. Ai merrte bukë nga shtëpia dhe shkonte ua hidhte qenve, të cilët gëzonin duke tundur bishtin sapo e shihnin.
Vajza nga Shkodra
Vajza nga Shkodra, shitëse në një market, e cila u përball me dhunën e të moshuarit, i cili godiste pa pushim një qen, me një copë dru në dorë. Sapo pa që qeni po dhunohej, vajza ndërhyri dhe tërhoqi nga bluzja të moshuarin, që dukej që nuk do ndalej nga goditjet ndaj qenit.
I moshuari invalid
I moshuari invalid, i cili, rregullon rrugën e lagjes, pasi Bashkia e Tiranës i ka harruar qytetarët. Qytetari është 'hero' në komunitetin e tij. Kur askush nuk ndjen përgjegjësi, ai bën aq sa mundet vetë.
I riu guximtar
I riu, që pa u menduar dy herë, ndaloi makinën dhe i erdhi në ndihmë qytetarit që u aksidentua në mbikalimin e Selitës, në Tiranë, pak ditë më parë. Makina ishte pothuajse e përmbysur, kur i riu shqeu xhamin e përparmë dhe nxorri nga makina të aksidentuarin. Ai gjithashtu, qëndroi me të duke e mbështetur pas atij aksidenti të rëndë.
Djali i pastrehë
Djali i pastrehë në Lushnje, i cili duke mbledhur kanoçe dhe bidona në një nga koshat e plehrave, gjeti një këlysh dhe po e ushqente me atë pak bukë që kishte për vete. Pavarësisht varfërisë që ai përballej vetë, i riu lushnjar nuk e mendoi dy herë që t'i vinte në ndihmë qenushit. Madje ai e mori atë në shtëpi.
Dy vajza zemërgjera
Dy vajza, të cilat, panë në koshin e plehrave një burrë, që po ushqehej me ç’të gjente aty. Vajzave u erdhi keq për atë që panë dhe blenë ushqim për të.
