Institucionet Kushtetuese, të nivelit Qendror apo edhe ato të njësisë Vendore në Republikën e Shqipërisë, shpallin procedura publike, nëpërmjet të cilave synojnë të mbushin një mangësi në mallra, punë apo shërbime të tjera duke përdorur Fondet Publike, ose e thënë thjesht vlera monetare nga Buxheti i Shtetit, që furnizohet drejtpërdrejt nga taksat që paguani ju, qytetarët shqiptarë nëpërmjet faturës së ujit apo dritave.
Mediat synojnë të bëjnë transparente për publikun se kujt i shkojnë këto para tuajat, në xhepin e kujt hyjnë dhe në çfarë mënyre? Të ndershme apo të favorizuar për interesa të caktuara personale? Dhe për më tepër a i meritojnë këta persona paratë tuaja për një shërbim të caktuar për të cilin firmosin dhe zotohen se do e kryejnë?! Disa prej këtyre pyetjeve, do i japim një shpjegim përmbledhës në artikullin e sotëm, e më të detajuar dhe të analizuar për përfituesit e fondeve publike, në ditët në vijim.
Ashtu siç tashmë mund ta dini, duke synuar të iluminojmë popullin shqiptar, pjesa më e madhe e Buxhetit të Shtetit, përkatësisht për vitin 2020, 52.8 MILIARD Lekë i ka shkuar Aparatit të Ministrisë së Shëndetësisë. Një pjesë të mirë të këtyre miliardave u janë futur në xhep, një grushti të ngushtë personazhesh, që tashmë disa i njihni mirë (sepse janë bërë të artë me koncesionet që kanë fituar në këtë fushë dhe nuk kanë dhënë asnjë shërbim për qytetarët), ndërsa të tjerët vazhdojnë të qëndrojnë në hije duke thithur pak miliona por në intervale të shpeshta kohore.
Nëse do bënim një analizë të thjeshtë të procedurave të tenderimeve publike të shpallura nga Institucionet e Ministrisë së Shëndetësisë, do të kuptonim se shumica e tyre, janë të ndara në lote, që do të thotë se një kompani përfiton shpesh fitime nga tenderat, por kalojnë si transaksione në shuma me miliona një ose dy-shifrorë për të mos rënë në sy, teknikë kjo që përdoret gjerësisht edhe nga institucionet e tjera të mëdha shtetërore si OSHEE, Posta Shqiptare, UKT, etj.
Disa prej kompanive, ashtu siç na pëlqen ne t’i quajmë: TË KRIPOSURA NË MILIARDA, janë ato që kanë përfituar më shumë tendera nga sektori i Shëndetësisë. Kompani me pronarë të njohur në fushën e farmaceutikës dhe barnave, por jo vetëm kaq... disa prej tyre kanë përfituar miliarda vetëm duke larë çarçafë spitalesh, por për këtë do të flasim në vazhdim.
Kliko këtu për të parë dokumentin me listën e plotë të bizneseve që kanë fituar miliarda me numrin e çmendur të tenderave që kanë përfituar-Kompanitë
NË LISTËN E MËPOSHTME LEXONI 10 KOMPANITË QË KANË PËRFITUAR NUMRIN MË TË LARTË TË TENDERAVE NË KËTO INSTITUCIONE KU SHËRBIMI ËSHTË TMERRUES DHE NUK DINI A DILNI MË GJALLË NËSE HYNI
ALDOSCH-FARMA SHPK (TOM DOSHI kamufluar AQIF HOXHA)-1794 tendera-2.5 MILIARD LEKË pa TVSH
FLORFARMA SHPK (MITRO TODHE, ARJOLA TODHE, FLORIAN TODHE)-1465 tendera–4.7 MILIARD LEKË pa TVSH
MEGAPHARMA SHPK (PETRIT VASILI kamufluar ROBERT ÇINA, MONIKA HAMZARAJ)-986 tendera- 8.4 MILIARD LEKË pa TVSH
TRIMED SHPK (ENDRIT HIDO, NIPI I VILMA NUSHIT)-935 tendera- 2.5 MILIARD LEKË pa TVSH
IMI PHARMA SHPK (IRAKLI MIO)-583 tendera-3.4MILIARD LEKË pa TVSH
ALFARMAKOS SHPK (IZMIR SHEHU, VLADIMIR MARGJEKA, Drejtor i Qendrës Kombëtare të Kontrollit të Barnave)-561 tendera- 3.4MILIARD LEKË pa TVSH
MEDICAMENTA SHPK (ILIR SHEHU)-525 tendera- 2 MILIARD LEKË pa TVSH
CFO PHARMA (NADIR ÇAUSHOLLI)-461 tendera- 1 MILIARD me TVSH
REJSI FARMA SHPK (NEXHAT SHEQI, MERITA SHEQI)-430 tendera- 5.6MILIARD LEKË pa TVSH
Përsa i përket numrit të tenderave të hapur nga Institucionet e Aparatit të Shëndetësisë, vendin e parë e mban QSUT, pasuar nga Ministria e Shëndetësisë e më radhë. Listën e plotë mund ta lexoni këtu-Institucionet
QENDRA SPITALORE UNIVERSITARE "NËNË TEREZA"-2599 tendera
MINISTRIA E SHËNDETËSISË-1417 tendera
DREJTORIA E SHËRBIMIT SPITALOR KORÇË-1390 tendera
DREJTORIA E SPITALIT RAJONAL GJIROKASTËR-1007 tendera
SPITALI UNIVERSITAR I TRAUMËS-910 tendera
QENDRA SPITALORE "XHAFER KONGOLI" ELBASAN-850 tendera
SPITALI RAJONAL VLORË-834 tendera
SPITALI UNIVERSITAR "SHEFQET NDROQI" TIRANË-722 tendera
SPITALI RAJONAL DURRËS-707 tendera
****
*Shënim I: Pjesët e nënvizuara në tekst me ngjyrë të kuqe, janë hiperlinke që të drejtojnë në faqe të tjera, informacione shtesë, shpjeguese në lidhje me lajmin*
© 2020 JOQ ALBANIA Të gjitha të drejtat e rezervuara
