Gjovalin Loka u konfirmua ditën e sotme në detyrë nga Komisioni i Jashtëm i Vlerësimit pavarësisht të shkuarës së tij si spiun i shtetit Shqiptar. Me një post të rëndësishëm në Drejtorinë e Policisë së Shtetit, atë të Drejtorit të Departamentit të Sigurisë Publike, Komisioni nuk e penalizoi megjithëse kishte fshehur të shkuarën e tij. Në lidhje me këtë vendim bien disa pyetje...
Nëse me të vërtetë Gjovalini prej ari do të ishte kaq i pastër saç pretendoi në dëshminë e tij ku u shfaq edhe pa avokat në seancë ku tha: “Mos më diskriminoni për shkak të studimeve të asokohe. Nuk kam kontaktuar me asnjë nga bashkëpunëtorët e Sigurimit të Shtetit. Nuk kam dënuar apo keqtrajtuar apo rekrutuar askënd në Sigurimin e Shtetit”, atëherë pse fshehu të shkuarën e tij si spiun?
Gjovalini nuk është një Drejtor modest policie që mezi i del rroga në fund të muajit, por ai i jep urdhrat nga kreu i tavolinës me unaza e ora floriri në duar, që me siguri ka mundësuar t’i përballojë nga rroga e shtetit që merr... Dhe nuk po flasim thjesht për rrogën e postit të tij, por padyshim që “profesioni i vjetër” e ka bërë të artë policin tonë të dashur...
Në fund të fundit të jesh në shërbim të shtetit si spiun shpërblehesh dhe Gjovalini ka marrë shpërblime të majme, post të mirë dhe mbrojtje për këtë të fundit, sa pa i bërë syri “tërr”, i zhytur në shkelje guxon e shkon pa përfaqësues në seancë pasi e ka të sigurt që nuk e shkarkon kush, përderisa ia ngroh shpatullat shtetit me info.
Rikujtojmë se Gjovalini e ka bërë ves spiunimin e po ashtu i ka “fobi” gazetarët se mos i nxjerrin të palarat, pasi sa herë ka protesta ngjitet në tarraca të spiunojë për shtetin e shpeshherë personalisht u ka ndaluar raportimin gazetarëve të mediave, pushtetit të 4-t nga vendngjarjet e lajmeve që nxjerrin blof qeverinë.
Në një fotografi të siguruar nga JOQ Albania, Lokës i bien në sy duart e mbushura me bizhuteri floriri.