Një video shumë interesante mbërriti dje në redaksinë e JOQ, ku gjatë kohës që një shqiptar me banim në Kanada po shikonte lajmet në një televizion lokal të Torontos, iu shfaq një skenë mjaft e veçantë.
Ai po ndiqte lajmet në televizionin CP24, kur papritur një lidhje direkte u shfaq një gazetare të televizionit, e cila po intervistonte të ftuarin e saj.
Deri këtu nuk ka asgjë të pazakontë, por ajo që tërhoqi vëmendjen e tij ishte se gazetarja kishte veshur bluzën e kombëtares shqiptare.
Ai ka realizuar menjëherë dhe një video që e ka dërguar në redaksinë e JOQ.al.
Vajza e quajtur Patricia Jaggernauth nuk e ka aspak "hijen" e një shqiptareje, por ka një lidhje të fortë me Shqipërinë, pasi i fejuari i saj i quajtur Jani Frisku është nga qyteti i Shkodrës dhe është menaxheri i saj.
Çifti formojnë një dyshe shumë simpatike./ JOQ
