Koha kalon dhe kujtesa publike duket se zbehet më shpejt se videot. Më 11 maj 2025, Tërmet Peçi kandidoi për deputet nën siglën e Partisë Socialiste dhe fitoi, pavarësisht se vetëm një ditë më parë në media shpërtheu një tjetër skandal, një video ku ai shihej brenda makinës duke ngritur pantallonat, teksa ndodhej në shoqërinë e punonjëseje së tij të bashkisë.
E megjithatë, historia është ironike, një grusht i ngritur për Enverin dhe Edin në 2018, u kthye në një karrige deputeti në 2025. A është vallë ky rasti tipik ku ngritja grushteve, nderimi ndaj kryetarit të Partisë Socialiste dhe asaj Komuniste dhe skandalet ku kapesh pa pantallona nuk të rrëzojnë, por përkundrazi të ngrenë më lart? Apo thjesht në këtë vend pushteti nuk fitohet me vota, por me aftësinë sa herë bie në sy te kryetari?
