Qytetarja: Violeta po pastronte të mërkurën tek rruga e Porcelanit, ka fjetur në stol

Një apel për ndihmë ka mbërritur në redaksinë e JOQ Albania, ku një qytetar ka njoftuar për një grua 76-vjeçare që ka humbur kontaktet me të afërmit e saj. Emri i saj është Violeta Ymeraj, e ve dhe pa fëmijë. Sipas qytetarit ajo kishte udhëtuar vetë nga Italia për të mbërritur në Shqipëri, por nuk ka arritur të shfaqet në destinacionin e saj dhe nuk ka informacion nëse ka kaluar kufirin.

Pas publikimit të lajmit, një qytetare ka kontaktuar me redaksinë e JOQ Albania dhe ka treguar se e ka parë zonjën të mërkurën, tek rruga e Porcelanit, mbrapa UET. Në video, Violeta duket se nuk është në gjendje të mirë dhe shihet duke fshirë dhe biseduar me veten e saj. Qytetarja thotë se Violeta ka ndenjur në atë zonë, konkretisht tek pallatet Fratari dhe ka fjetur në stol.

Qytetarja shkruan për JOQ:

Përshëndetje, zonja Violeta ka qenë të mërkurën tek rruga e Porcelanit, mbrapa UET. Dukej që nuk ishte mirë. Aty fshinte, bënte muhabet me veten e saj. Besoj në këtë zonë ka ndenjur. Konkretisht e kam parë tek pallatet Fratari. Ka fjetur nëpër stola, dukej që ishte grua e mbajtur, nxirrte lekët, i numëronte, i fuste prapë. E pyetem: "Ke nevojë për ndihmë?" Jo, thoshte. Kishte një tas të madh me makarona, i hëngri. Nuk është më aty, por mund të jetë afër zonës.

Kushdo e ka parë zonjën Violeta në këtë zonë ose afërsi të saj, është i/e lutur të kontaktojë në numrin e telefonit 0674937171.