Ndikimi i pushtetit në të gjitha platformat mediatike ka si synim shfaqjen tek populli i një shteti në aplikacionet e tyre të informimit lajme të pëlqyeshme dhe të aprovuara për grupimin politik që është në krye.
Kjo influencë është aq e thellë, sa grupe të tilla interesi me fije bashkëpunimi të ngushta për përfitime personale të njëtrajtshme, synojnë të kontrollojnë për llogari të tyre mendjen e qytetarëve, ata që thjesht shihen si vota potenciale.
Prej disa kohësh tashmë, platformat e rrjeteve sociale kanë vërtetuar lidhjet me anxhendat politike të qeveritarëve dhe krerëve të lartë të një shteti. Mënyrat se si po i privojnë njerëzit të lexojnë më pak lajme politike duke i lënë në terr informativ me anë të algortimeve të veçanta, janë publikuar nga ata vetë.
Këto politika penalizuese të rrjeteve sociale që shërbejnë për mos-shpërndarjen e informacionit tek masat, janë shtrënguar dhe vënë në funksion të njerëzve të pushtetit.
Me anë të raportimeve manuale, këta persona i dërgojnë informacionin që duan suportit të rrjeteve sociale dhe në këtë mënyrë informacioni me të cilin media synon të demaskojë qeverinë duke e shpërndarë në lexuesit e saj fshihet e në raste të përsëritura të hiqet e drejta e fjalës duke pësuar fshirje të profilit të medias.
Media prestigjioze The Wire është në luftë të vazhdueshme me Facebook për një sërë arsyesh të kësaj natyre, ku padrejtësisht contenti politik i publikuar në faqen e tyre i është fshirë nga suporti i Facebook në mënyrë të pabazuar e të paarsyetuar.
Por TheWire është ekuivalenti i JOQ Albania në Shqipëri. Prej kohësh media më e madhe sociale në trojet shqip-folëse ka qenë target i raportimeve të vazhdueshme të paguara të armatës me 500 patronazhistë së kryetarit të Bashkisë Tiranë dhe kryeministrit, që paguhen nga taksat e qytetarëve.
Një lumë raportimesh drejt Facebook dhe Instagram vijnë çdo ditë nga veglat e pushtetit që ndihet i kërcënuar, jo vetëm me synim për të mbyllur gojën e qytetarëve të Shqipërisë nëpërmjet JOQ Albania, por duke sulmuar punën investigative të medias me bërjen publike të aferave korruptive me paratë e taksapaguesve shqiptarë me të cilat këta pushtetarë kanë siguruar 7 breza.
Qeveria është angazhuar aq fort të luftojë armikun e vetëm në këtë profil mediatik ku të gjithë i janë përulur për përfitime marramendëse monetare, por nuk po ia arrin dot.
Si edhe rasti i TheWire i cili ka hedhur në gjyq gjigantin mediatik, Facebook dhe Instagram kanë fshirë disa lajme dhe postime me argumentime irrelevante, totalisht jashtë kontekstit të asaj çfarë mund të përbënte shkelje për politikat e këtyre rrjeteve sociale, falë raportimit qeveritar.
Ironike dhe njëkohësisht qartësisht e kuptueshme në këtë rast është se goditjet që vijnë me urdhër të qeverisë dhe pranohen nga Facebook dhe Instagram vijnë në grupe, me 2-3 brenda ditës pa patur mundësi apelimi.
Njëri prej këtyre postimeve çuditërisht konsistonte në një denoncim të një qytetari të Tiranës mbi një rrugë të Tiranës të copëtuar me gropa gjigante të mbushura me ujë shiu. Qytetari raportonte se kjo ishte gjendja e gropave të Tiranës të lëna në atë gjendje nga kryetari i bashkisë.
Në mënyrë ironike kjo story u regjistrua si shkelëse e guidelines të Instagramit për pamje grafike dhune fizike, kur në fakt e vetmja gjë që përbënte dhunë në atë postim për sytë e kujtdo që e shihte ishte situata në të cilën e ka lënë kryeqytetin kryebashkiaku që paguhet me taksat tona.
Por pavarësisht aleancave qeveritare me platformat që supozohen të jenë promotore të fjalës së lirë, JOQ Albania qëndron e palëkundur duke dhënë maksimumin në përcjelljen e fjalës së qytetarëve masivisht e duke denoncuar vjedhjet me paratë publike në çdo sektor të shtetit.
