Erion Veliaj, është kryebashkiaku perfekt për të vjedhur taksat e qytetarëve të Tiranës, por më së shumti për të gjetur mënyra se si t’i vjedhë këto para. Pasi, pothuajse i ka shpërdoruar të gjitha mundësitë, tashmë së fundmi ka menduar që të fusë në xhep disa para nga pusetat dhe zgarat që do vendosen në rrugët e Tiranës.
Drejtoria e Pergjithshme e Rrugëve dhe Ndriçimit Publik, e varur nga Bashkia e Tiranës, ka organizuar së fundmi një tender që përmban këtë numër reference REF-39133-08-17-2022 dhe si objekt ka “Blerje zgara dhe Puseta”.
Në garë kanë marrë pjesë dy kompani dhe kompania që ka fituar është "Power Industries Shpk", e cila ka futur në xhep më shumë se 300 mijë euro, plus TVSH, nga paratë e qyetarëve të Tiranës. Me shumë mundësi, të gjitha këto para nuk janë fituar vetëm nga kompania, pasi një dorë të mirë, duhet ta ketë marrë edhe Erion Veliaj.
Megjithatë në këtë garë, Veliaj e ka menaxhuar mirë ‘konkurrencën’ e kompanive, pasi fima fituese ka ofruar pak më pak se kompania tjetër që ka qenë në të njëjtën garë. Interesante është fakti, që po e njëjta kompani ka fituar edhe tenderin në vitin e kaluar, që tregon qartë se Andi Marku, administratori i kompanisë, është klienti i preferuar i Erion Veliajt.
Mirëpo, është absurde të dëgjosh, që më shumë se 300 mijë euro do të harxhohen për puseta dhe zgara, kur në çdo cep të Tiranës sheh kudo puseta që s’kanë asnjë kapak dhe rrugë që përmbyten me 5 minuta shi.
“Don Bosko” dhe zona e “Pallatit me Shigjeta”, janë rrugët që përmbyten gjithmonë, sa herë që në Tiranë bie shi. Prej vitesh këto dy zona, pavarësisht, tenderave të hedhur për puseta dhe mirëmbajtje rrugësh vazhdojnë që të përmbyten.
E sigurt që e njëjta gjë do të ndodhë edhe pas këtij tenderi të fundit, pasi siç e kemi thënë shumë herë, tenderat në bashkinë e Tiranës, nuk bëhen nga dëshira për të ndihmuar qytetarët, por nga dëshira për t’u pasuruar pushtetarët.
