Autoritetet italiane kanë dënuar me 3 vite e 8 muaj burg shqiptaren e njohur si “Zonja e drogës”, e cila u arrestua në dhjetor të vitit të kaluar pasi u kap me 450 kilogram drogë. Jona Mullaraj ishte parë shpesh në shoqërinë e ish- zv/kryeministrit italian Mateo Salvini dhe kishte bërë fushatë për partinë e tij. Mediat italiane raportojnë se gjatë kontrollit, policia e gjeti drogën në garazhin e Cesano Maderno në via de Medici, ku ishte marrë me qira dhe kontrata ishte nënshkruar nga një grua tjetër.
Pronari i magazinës ku mbahej lënda narkotike, u shpreh në atë kohë se Jona Mullaraj vinte shpesh për të marrë çelësat. Mediat fqinje thonë se ajo u tradhtua nga bashkëpunëtori i saj, pasi ai kishte lajmëruar policinë se kishte ndodhur një vjedhje në Milano. Menjëherë sapo autoritetet kanë mbërritur në zonën që u raportua të kishte ndodhur "grabitja", kanë ndjerë erën e drogës dhe kanë nisur të kontrollojnë në shtëpinë e saj. Fillimisht i kanë gjetur një sasi lënde narkotike prej 80 kg.
