Ndërsa ju mund të jeni duke festuar ditën e Shën Valentinit duke ngrenë çokollata apo duke marrë era lulet që ju ka dhuruar partneri juaj, rezulton se Dita e Shën Valentinit ka një origjinë mjaft të errët. Është e ashtuquajtura festë dalluese, një ditë për letrat e dashurisë, ëmbëlsirat dhe dhuratat e minutës së fundit, por dita e Shën Valentinit nuk ishte gjithmonë aq e “ëmbël”.
Në fakt, festimi thuhet se ka filluar me prerje kokash, “sakrifica kafshës” dhe një perandor të pamëshirshëm.
Pra, si filloi festa?
Epo, Dita e Shën Valentinit është në nder të një martiri në Kishën Katolike. Megjithatë, Shën Valentini mund të ketë qenë një nga tre “Shën Valentinët”, të cilët vdiqën të gjithë në duart e Perandorit Klaudi II, Shën Valentini i parë ishte një prift romantik që kundërshtoi urdhrin e Klaudiusit për të ndaluar ushtarët të martoheshin. Kjo për shkak se ky i fundit mendonte se meshkujt e martuar janë ushtarë të dobët.
Në vend të kësaj, ky Shën Valentin besonte se ai rregull ishte i padrejtë dhe i martoi ushtarët në fshehtësi, gjë që çoi në dënimin e tij me vdekje. Më pas ishte peshkopi Valentin, të cilit gjithashtu iu pre koka nga Klaudi, ndërsa Shën Valentini i tretë u tha se i ndihmoi të krishterët të shpëtonin nga burgjet romake.
Për shkak të mungesës së të dhënave në këtë kohë, është e vështirë të thuhet nëse Shën Valentini ishte një nga këta burra apo të tre. Pra, festa dhe tre historitë e Shën Valentinit janë ndërthurur që atëherë me festën.
Burimi: www.unilad.co.uk| Përktheu dhe përshtati: JOQ ALBANIA
