Sipas një raporti të “Numbeo” për vitin 2022, Shqipëria është renditur në vend të parafundit përsa i përket shërbimeve shëndetësore më të dobëta në Europë.
Vendi ynë ka mundur të lërë pas vetëm Maltën bazuar nga të dhënat e databazës. Përsa i përket rajonit, Shqipëria renditet në vend të fundit në indeksin e shërbimeve dhe shpenzimeve, krahasuar me Serbinë, Maqedoninë e Veriut dhe Bosnjën. Në këtë indeks nuk ishin të përfshira Kosova dhe Mali i Zi.
Vlerat e larta tregojnë cilësi të lartë shëndetësore dhe të ulëtat mjerimin e sistemit. Shqipëria la pas vetëm Maltën në rang europian me një vlerësim me vetëm 50.5 pikë për cilësinë e shërbimeve dhe 87.9 pikë për shpenzimet me të cilat përballen qytetarët.
Pikët më të ulëta në indeksin për Shqipërinë e kanë marrë cilësia e dobët e pajisjeve mjekësore, koha e pritjes dhe kosto e shërbimeve.
NË KRYE TË LISTËS (Vendet me vlera të larta të cilësisë së shërbimeve)
Tajvani
Koreja e Jugut
Japonia
Franca
Danimarka
VENDET ME SHËNDETËSI TË MJERUAR
Bangladeshi
Venezuela
Iraku
Azerbajxhani
Malta
Bjellorusia
Maroku
Egjipti
Nigeria
Kamboxhia