Mbrëmjen e kaluar veriu i vendit u trondit nga një tërmet i fortë me magnitudë 4.7 ballë i shkallës Rihter dhe epiqendra e ka qenë 12 km nga qyteti i Pukës. Spitali dhe disa pallate të këtij qyteti kanë pësuar plasaritje dhe dëmtime pasi lëkundjet kanë qenë të forta. Dëmtime nga lëkundjet sizmike raportohen edhe në oxhakët e pallateve, por nuk dihen ende dëmet që mund të jenë shkaktuar në banesa private në fshatrat e Pukës. Plasaritje dhe rënie suvaje ka edhe në spitalin e qytetit sipas bashkisë Pukë.
Njoftimi nga Bashkia Pukë:
Informacion paraprak
Pak minuta më parë Puka ka përjetuar një lekundje të fortë sizmike. Termeti që kishte epiqendren pranë Pukës, ka qenë i shkallës 4.7 ne thellësinë 2 km. Bashkia Puka po nderlidhet për pasojat e kësaj situate. Deri tani nuk kemi informacione për pasoja fatale, ndërkoh që janë porositur administratorët dhe krepleqt e fshatrave të interesohen për pasoja të mundshme pas kësaj situate. Deri tani janë konstatuar deme tek disa pallate tek lagjia e muzeut, dhe 5 pallatet, ku sipas raportimit të banorve ka plasaritje, nderkoh janë të dukshme demtimet në oxhaqet e pallateve. Plasaritje dhe renje suvash ka dhe në spitalin e qytetit. Inkurajoim të gjithë banorët të rimarrin veten me shpresen se nuk do kemi paslekundje dhe për çdo shqetësim të informojnë në numrat pa pagesë 128 ose 129.
Faleminderit!