Tashmë që të gjitha u bënë publike dhe kushdo di gjithçka për këdo, qeveria kontraktoi kompaninë amerikane për ruajtjen e të dhënave të shqiptarëve. A ka mbetur më gjë për të ruajtur bie pyetja?!
A tregon e gjithë kjo paaftësinë e shtetit dhe institucioneve përgjegjëse për të ruajtur sigurinë dhe privatësinë e popullit, sa duhet paguar me paratë tona një kompani e huaj për të na mbrojtur kur në fakt është punë e institucioneve shtetërore?!
Pasi skandali i rrjedhjes të të dhënave personale të mbi 600 mijë shqiptarve u harrua, drejtoresha e AKSHI-t, me siguri ka qenë shumë e zënë të siguronte privatësinë e shqiptarëve deri më sot, pasi e ka patur axhendën të zënë duke rregulluar fotot e profilit në Facebook me filtra dhe Photoshop.
Por megjithatë, Karcanaj e ka marrë me të lehtë gjithë këtë skandal duke mos marrë asnjë përgjegjësi. E vetmja gjë ku ajo ka marrë përgjegjësi individuale dhe është angazhuar maksimalisht, është shpalosja e talentit të saj në editimin e fotove në rrjetet sociale.
Aftësitë e drejtoreshës së Ramës në editim fotosh mund t’i vlerësoni edhe vetë, por në sigurimin e të dhënave tona personale tashmë është dëshmuar.