Valentina Petroviq, Miss Internacional Serbia e cila shkaktoi një traumë të madhe te serbët pasi bëri me duar shqiponjën dy krenare ka dhënë dorëheqjen nga gara e missit. Që pas publikimit të fotos, komentet që modelja ka marrë kanë qenë të shumta dhe disa prej tyre edhe kërcënuese. Ky gjest i saj i ka habitur të gjithë dhe i është kundërvënë e gjithë Serbia. Për këtë arsye ajo kërkoi falje për gjestin i cili sipas saj ishte spontan dhe hoqi dorë nga gara.

Por mediat serbe shprehen se sa më shumë që Valentina shfajëson veten e saj aq më keq duket ajo para popullit të saj pasi ata e cilësojnë atë si një miss të turpshme që dëshiron të duket e zgjuar dhe e edukuar. Ajo ka publikuar në Instastory edhe një foto me Miss Shqipërinë, Kosovën dhe Malin e Zi ku të gjitha shfaqen duke bërë me duar simbole të luftës. Por edhe pse modelet shqiptare kanë bërë me duar simbolet e luftës serbe askush nuk e ka vënë re, pasi për serbët është fyese dhe tallëse fakti se modelja e tyre ka bërë shqiponjën me duar. Vajzat kanë bërë në foto simbolin e luftës serbe me tre gishtat e ngritur lart dhe tjerët ulur, simbolin e Shqipërisë me shqiponjën dy krenare dhe simbolin e Malit të Zi. Por duket se vetëm serbët kanë qenë të vëmendshëm dhe e kanë vërejtur simbolin e bërë nga misja e tyre.