Duke nisur nga 9 gushti, Franca do të zbatojë projektligjin e ri, i cili e bën të detyrueshme pasaportën shëndetësore për të gjithë ata që do të shkojnë në lokale apo nëse do duhet të udhëtojnë me tren ose avion. Lajmi u bë me dije ditën e djeshme nga zëdhënësi i qeverisë franceze Gabriel Attal. Projektligji i zgjatjes së lejes së shëndetit, i cili u miratua nga Parlamenti të dielën në mbrëmje, së pari duhet të miratohet nga Këshilli Kushtetues, i cili duhet të shpallë vendimin e tij në 5 gusht. Kujtojmë se ky projektligj ka nxitur protesta masive në Francë, por qeveria është shprehur e vendosur për ta çuar përpara, duke i bërë kështu pasaportat e shëndetit një pikë kryesore në luftën ndaj Covid.
Që të jetë e vlefshme, pasaporta duhet të vërtetojë që personi është i vaksinuar plotësisht, të ketë test negativ për Covid si dhe të jetë i shëruar. Vaksinimi për mjekët dhe punonjësit në shëndetësi do të jetë i detyrueshëm. Më tej zëdhënësi Attal tha se pasaporta shëndetësore do të jetë e detyrueshme në lokale, restorante, fluturime dhe udhëtime tjera të brenda vendit. Ai tha se shkak për rritjen e numrit të infektuarve ditët e fundit është bërë varianti “Delta”.
Burimi: thelocal |Përktheu dhe Përshtati: JOQ Albania
