JOQ Albania
App Store
SHKARKO
Home
JOQ Albania

Shqiptarët, heronj në Belgjikë! Dy vëllezërit Berisha dhe shokët e tyre shpëtojnë familjet belge nga përmbytja
Shkruar nga: G Hasani | Publikuar më: 21/07/2021 15:50

  • Share
  • Share
  • Share
  • Share

Belgjika dhe Gjermania, janë dy shtetet në Eurpoë, të cilat po përballen me përmbytje të frikshme. Deri më tani numri i viktimave ka shkuar mbi 180 në dy shtetet, ndërsa numërohen edhe qindra persona të humbur. Ndërkohë, lidhur me situatën atje, JOQ Albania ka marrë shumë raportime nga shqiptarë, të cilët prej vitesh jetojnë si emigrantë.

Së fundmi në redaksinë tonë ka mbërritur një video, ku shihen disa shqiptarë që shpëtojnë qytetarët belgë nga përmbytja. Me mjete rrethanore, ata bëjnë çmos, që të nxjerrin nga rreziku, një të moshuar, por edhe persona të tjerë. Burime për JOQ ALBANIA bëjnë me dije se ata janë Arbi e Granit Berisha (vëllezër), Ilir Kuçana dhe Hajdin Alushi. Me zemërgjerësinë e tyre dhe guximin e madh, ata janë kthyer në heronjtë e ditës.