Lideri i Aleancës për Ardhmërinë e Kosovës, Ramush Haradinaj, ka bërë të ditur se vajza e tij do të vijojë mësimet në shkollën e mesme.
“Sot nise një faqe të re në shkollimin dhe jetën tënde! Hana, fati të përcjell tërë jetën”, ka shkruar Haradinaj.
Vajza e çiftit Haradinaj, duket se do të shkollohet në njërën nga shkollat e shtrenjta të Zvicrës, “Tasis”.
Anita Haradinaj, ka publikuar një fotografi të Hanës, në rrjetin social Instagram, ku shihet se ajo ka të veshur një bluzë me llogon e kësaj shkolle.
Në ueb faqen e shkollës “Tasis” që gjendet në Lugano të Zvicrës rezulton se vlera që duhet paguar për një vit shkollim është mbi 50 mijë franga zvicerane.
Ish-kryeministri, Ramush Haradinaj, shpesh ka qenë në qendër të vëmendjes për pushimet e tij luksoze në Alpet zvicerane.
