Partitë politike, për arritjen e qëllimeve të tyre përdorin mjete të ndryshme për të relativizuar publikun në mënyrë që t’i votojë. Një ndër metodat për ta bërë këtë gjë, janë reklamat. Të dhënat e bëra publike nga “Facebook”, tregojnë se shpenzimet më të larta gjatë kësaj fushate në rrejtin social “Facebook” janë bërë nga Partia Socialiste, e cila ka harxhuar 88,781 USD në reklama.
E dyta në radhë për sa i përket shpenzimeve vjen Partia Demokratike, e cila ka shpenzuar 36,424 USD në reklama politike gjatë fushatës zgjedhore. Sipas gazetës “Shqip”, të gjithtë partitë e tjera, përfshirë Bindja Demokratike, LSI, Partia Republikane, Balli Kombëtar, PDIU dhe Nisma Thurje kanë shpenzuar në total sëbashku 18,303 USD. Ndërkohë, kandidati që ka shpenzuar më shumë në reklama në Facebook ka qenë Agron Shehaj i Partisë Demokratike me 18,746 USD, i ndjekur nga Vojo Bregu i LSI-së me 5442 USD, Arben Pëllumbi i PS-së dhe kryetari i PSD-së, Tom Doshi.
Përveç kandidatëve dhe partive politike, shpenzime të larta në Facebook janë bërë edhe nga një numër faqesh të cilat kanë publikuar reklama denigruese kundër opozitës, përfshirë “Untold Stories of Albania”, “Punë Punë”, “Të jesh grua”, “Pakëz Dritë” dhe “Ligj dhe Rend”. Në total këto pesë faqe kanë shpenzuar 29,722 USD gjatë fushatës zgejdhore. Të paktën dy prej tyre ‘Ligj dhe Rend’ dhe ‘Pakëz Dritë’, listojnë të njëjtin numër kontakti në “Facebook”, pas të cilit nuk përgjigjet askush, pasi telefoni është i fikur.
