Ilirjan Celibashi, Komisioneri Shtetëror i Zgjedhjeve, është “mbytur” në miliarda. Kjo për shkak të tenderave prej shumë miliardash që ai ka dhënë nëpërmjet institucionit të tij. Në rastin më të fundit bëhet fjalë për një tender me reference REF-89113-03-04-2021 dhe me objekt “Sisteme/pajisje të teknologjisë së informacionit për votimin dhe numërimin e votave”.
Procedura e këtij tenderi shikohet se ka qenë e tipit me negocim, pa njoftim. Në të ka marrë pjesë vetëm një kompani e cila natyrisht është shpallur edhe fituese. Bëhet fjalë për firmën Smartmatic International Holding B.V. me vlerë të ofruar prej rreth 1.2 miliardë lekësh të vjetra me TVSH. Shikohet se vlera fituese është mjaft pranë me vlerën e fondit limit. Përkatësisht është sa 90.4% e tij. Bazuar në faktet e mësipërme, duket se Celibashi vazhdon të fusë në xhep pa problem miliardat e taksave të shqiptarëve.
