Paritë politikë në Kosovë kanë kritikuar Albin Kurtin dhe Vjosa Osmanin për vizitën e tyre në veri të Mitrovicës, zonë e administruar nga serbët.
Kurti dhe Osmani vizituan minierën e Trepçës dhe mbajtën një tubim në Mitrovicën e Veriut të shtunën, një qytet i Kosovës i administruar nga partia Lista Serbe e mbështetur nga Beogradi.
Kryeministri në detyrë Avdullah Hoti akuzoi dy rivalët e tij për përdorimin e “kauzës” për fitime politike.
Ai pranoi që qyteti verior i përket Kosovës, duke thënë se kjo “nuk kontestohet në asnjë formë”, por vizita në qytet “nuk duhet të përdoret për të treguar diçka që nuk ekziston”, tha ai.
Partia Demokratike e Kosovës (PDK) gjithashtu kritikoi Kurtin dhe Osmanin për “çnderimin dhe poshtërimin e Republikës së Kosovës” para një grupi huliganësh serbë.
Ata i kujtuan Kurtit dhe Osmanit se vizita në atë pjesë të qytetit u bë e mundur nga lufta e bërë nga Ushtria Çlirimtare e Kosovës, e cila u shndërrua në PDK më vonë.
Ata u bënë thirrje votuesve të mbështesin liderë të fortë, që nuk shkojnë në pjesën veriore të qytetit për të bërë fotografi gjatë fushatave elektorale.
Lista Serbe, një parti politike e Serbëve të Kosovës, kritikoi vizitën për “sjelljen e shumë personave të armatosur rëndë për të mbrojtur dy politikanët, të cilët dyshohet se mbanin simbole të UÇK-së”, sipas udhëheqësit të partisë, Goran Rakic.
Videot e postuara në internet treguan momente kur disa njerëz bërtisnin në serbisht kundër dy politikanëve.
Shumica e shqiptarëve u detyruan të largohen nga shtëpitë e tyre në pjesën veriore të qytetit, gjatë luftës në Kosovë për shkak të frikës për jetën e tyre.
Ende nuk shihet si e zakonshme që politikanët shqiptarë të Kosovës të vizitojnë qytetin e kontrolluar nga serbët.
Pas vizitës, Kurti tha se gjithçka shkoi siç ishte planifikuar dhe ata u mirëpritën nga qytetarët e Mitrovicës së Veriut.
Ai shtoi se ata nuk ishin të befasuar që strukturat e partisë Lista Serbe nxitën mbështetësit e tyre të thërrisnin parulla kundër tyre dhe Kosovës.
Burimi: Exit.al
