Kongresmeni amerikan, Stephen Lynch nga Massachusetts, i cili është vaksinuar për Covid-19, rezultoi i infektuar pasditen e djeshme. Ai është asimptomatik dhe është vetëizoluar në banesë. Kongresmeni kishte marrë të dyja dozat e vaksinës Pfizer dhe ishte testuar negativisht për Covid-19 përpara se të merrte pjesë në inaugurimin e Presidentit Joe Biden më 20 Janar.
Megjithatë, CNN raporton se vaksinat Covid-19 parandalojnë sëmundjen, por jo domosdoshmërisht parandalojnë infeksionin. Nëse dikush rezulton pozitiv dhe nuk sëmuret, vaksina ka funksionuar siç është menduar. Nëse dikush rezulton pozitiv brenda disa javësh nga marrja e dozës së dytë, kjo mund të jetë për shkak se vaksina nuk ka filluar efektin plotësisht.
