Disa çaste më parë është regjistruar një ngjarje e rëndë në qytetin e Ballshit, në lagjen “5 Shkurti”, ku një 57-vjeçar është rrahur nga tre persona barbarisht. Pelivan Sinanrrupaj, është gjetur i shtrirë përtokë në gjendje të rëndë shëndetësore. Ndërkohë, uniformat blu kanë arrestuar shtetasit Fitim Zekaj 43-vjeçar, Festim Alimertaj 53-vjeçar dhe Ferdinand Meraj 44-vjeçar. Pelivani ndodhet në Spitalin e Traumës Tiranë në gjendje të rëndë shëndetësore, nën kujdesin e mjekëve. Materialet do i kalojnë Prokurorisë pranë Gjykatës së Shkallës së Parë Fier për veprën penale “Plagosje e rëndë me dashje” e kryer në bashkëpunim.
