Vrau djalin pas konflikteve në familje, flet avokati i Skënder Krasniqit: Ishte aksidentale, nga pakujdesia

Albert Krasniqi, është personi që u ekzekutua pasditen e djeshme nga i ati i tij Skënder Krasniqi, ish luftëtar i UÇK-së. Ishte vetë babai i Albertit ai që njoftoi policinë për krimin që kishte bërë dhe më pas u arrestua edhe nga policia. Ditën e sotme Ramiz Krasniqi, avokat i Skënder Krasniqit, ka thënë se vrasja që ndodhi mbrëmjen e së mërkurës ka qenë aksidentale. Ndërkohë që thotë se gjendja shëndetësore e klientit të tij është e keqe, ndaj dhe nuk ka dhënë deklaratë në polici.

Vrasja është aksidentale, nga pakujdesia. Skënderi është në gjendje të keqe shëndetësore, i mërzitur shumë. Ende nuk e ka komentuar rastin dhe për shkak të gjendjes së tij të rëndë është mbrojtur në heshtje në polici. Gjithashtu i kanë ofruar ndihmën e parë ekipet mjekësore. Ai gjindet në paraburgim në Prishtinë.