Prej disa javësh në disa vende të botës po qarkullon një variant i ri i koronavirusit i cili u shfaq në fillim në Britaninë e Madhe e më pas me shpejtësi dhe në vende të tjera. Për të parandaluar përhapjen e këtij muatcioni i cili përhapet më shpejt se virusi i zakonshëm, u vendos që vendi ynë të pezullojë të gjitha fluturimet me Britaninë e Madhe, por duket se nuk ia ka vlejtur. Shefja e Institutit të Shëndetit Publik, Silva Bino tha mbrëmjen e sotme se edhe në vendin tonë ka shenja të një varianti të ri. Por ajo nuk di ta shpjegojë se nga vjen ky mutacion, duke shtuar se në vendin tonë ka pasur dy raste që kanë patur kontakte me njerëz që kanë qenë jashtë vendit.