Albert Krasniqi, është personi që u ekzekutua pasditen e sotme nga i ati i tij Skënder Krasniqi, ish luftëtar i UÇK-së. Ndërkohë mediat kosovare kanë raportuar se para pak minutash ekipet e Mjekësisë Ligjore kanë nxjerrë trupin e pajetë të të ndjerit. Ndërkohë që menjëherë pas vrasjes, ekipet e forezikës së Policisë së Kosovës dhe Mjekësia Ligjore kanë shkuar në vendin e ngjarjes dhe kanë bërë ekzaminimin e tërësishëm të asaj që ndodhi në bodrumin e banesës, ku mbeti i vrarë i ndjeri. Sakaq mësohet se Krasniqi ishte i shpallur në kërkim nga Policia e Kosovës për ushtrimin e dhunës në familje. Para pak ditëve policia ushtroi një kontroll në banesën e tij, por pa mundur ta arrestonte. 
