Ditën e sotme në media u raportua një sherr mes disa të rinjve në Dibër, ku mbeti i plagosur një 22-vjeçar. Sipas policisë sherri nisi për motive të dobëta. Gjithashtu sipas njoftimit të policisë, autor i ngjarjes ishte 26-vjeçari E.S. Por në lidhje me ngjarjen në fjalë një e afërm e të riut ka shkruar në reaksinë JOQ Albania se ngjarja nuk është ashtu siç u raportua në media. Sipas saj i riu me iniciale E.S nuk ka bërë plagosje me dashje, por i është ndërruar akuza sepse është konfliktuar me djalin e një punonjësi policie në Komisariatin e Policisë së Peshkopisë. Punonjësi i policisë quhet Fiqiri Kacaku dhe djali i tij quhet Armando Kacaku. Sipas qytetares ky i fundit i ka dalë në rrugë duke e kërcënuar të riun E.S, i cili është arrestuar dhe po procedohet në komisariat. Ndërkohë djali i Fiqiri Kacakut nuk është përfshirë në një procedurë të tillë, për faktin se është i biri i policit.
Mesazhi i plotë i qytetares: