Një ngjarje e rëndë u regjistrau pak ditë më parë në Bulqizë, ku një 41-vjeçar L.Xh, rrahu me dru nënën e tij duke e goditur në kokë. Ai u arrestua nga policia, ndërsa u mësua se konflikti nisi për motive të dobëta. Në lidhje me ngjarjen ka folur edhe vëllai i 41-vjeçarit, i cili tha se ishte thjesht në zënkë familjare dhe se nëna e ka falur atë dhe nuk dëshiron që i biri të shkojë në burg. Sipas tij, vëllai e bëri gjithçka padashje dhe nuk duhet të dënohet.
Fjala e plotë e vëllait të autorit:
Ai ka pesë fëmijë, kush do i mbajë, kush do i ushqejë. Nëna nuk dëshiron që i biri të rrijë në burg. E kemi falur. Ai ka probleme, ka lindur shtatanik. Nëna është më mirë, ndodhet në spital. Ka patur dëmtime në kokë të lehta. Kam qenë në shtëpi kur ka ndodhur ngjarja, por larg vendit. Në shtëpi ka qenë kunata dhe të tjerë. Kanë hyrë për t’i ndarë, por sado femra. Kanë bërë sherr për punë të një litari të pusit. Jetojmë të gjithë në një shtëpi, vëllai në katin e parë dhe unë lart. Nëna jeton me mua. Nëna kishte marrë litarin dhe kishte nisë ngatërresa me kunatën, nusen e Latifit. Më para nuk ka patur asnjë ngatërresë me kunatën, vetëm atë ditë. Kur shkova unë, e pashë nënën të vrarë dhe e dërgova në spital. Ai e ka ditur me dru zjarri në kokë vetëm një herë. Nuk kam folur fare me Latifin, mora nënën dhe e çova në spital. Policinë e njoftoi ajo e spitalit, pasi dërgova nënën. E bëri ajo e spitalit denoncimin. Nuk ka dhunuar ndonjëherë më parë, kësaj radhe nuk e di se si i ka ardhur. Nuk është tip i dhunshëm, asnjë dhunë nuk ka bërë më parë. I kanë hip nervat, se nerva ka. I ka rrëshqitur dora, nuk ka dashur që ta godasë. Ende nuk kam komunikuar me vëllain. E kanë arrestuar në shtëpi, e ka qenë duke rregulluar një spinë treshe të energjisë, thikat i ka patur si mjete pune. Nuk është se bën ndonjë gjë. Ne si familje duam që ta nxjerrim se nuk e kemi bërë ne denoncimin. Nuk duam që ai të bëjë burg. Ka pesë fëmijë, është e vështirë me fut në burg vëllain. Kush do kujdeset për fëmijët. Nëna nuk dëgjon që të bëjë denoncim, nuk do që t’i arrestohet fëmija. E kemi falur.
