Bardheblutë e Tiranës kanë prezantuar ditën e sotme trajnerin më të ri të ekipit, Orges Shehin. Shehi vjen në pankinën e bardhebluve, dy ditë pasi Nevil Dede u largua nga stadiumi në ditën që Tirana po përballej me Laçin, ndeshje që rezultoi e humbur për kampionët e Tiranës. Ish-tekniku i Skënderbeut dhe Kukësit, Orges Shehi u prezantua sot nga presidenti i Tiranës, Refik Halili i cili tha se e njeh Shehin dhe ka besim te puna e tij si trajner.
Pas shkarkimit të Emanuel Egbosë dhe largimit të Nevil Dedes, trajneri i ri Orges Shehi është i treti në rend, i cili do të stërvisë dhe drejtojë kampionët në fuqi të Tiranës, në sezonin e 82-të të kampionatit të Superiores.