PËRGJIMET E NDRANGHETTAS ITALIANE, 20% FITIM PËR ERION VELIAJN PËR NJË LEJE NDËRTIMI NGA INVESTITORËT E GRADAÇELAVE 30-KATËSHE NJËKOHËSISHT PJESËTARË TË KLANEVE MAFIOZE ITALIANE
Nga operacioni i antimafias italiane kanë rënë në pranga dhe 7 shqiptarë. Përgjimet kanë zbuluar aferën e invetimeve për ndërtimin e një gradaçele shumëkatëshe në Tiranë me kusht pagesën e 20% të kuotës për të fituar lejen.
PERSONAZHET/ ROLI
Një lajm i bujshëm po bën xhiron e mediave në Itali, lajm që flet për disa përgjime të mafias italiane ku janë të përfshirë edhe zyrtarë shqiptarë e po ashtu të vendit fqinj, të cilët flasin për afera biznesi me lidhjet e kontaktet e tyre në vendin tonë.
Roli i Princit
Kryesisht dosja hetimore me mbi 1000 faqe zbulon se janë nën hetim disa politikanë kalabrezë me interesa sipërmarrje në Shqipëri. Në krye të dosjes që flet për grupin kriminal qëndron sipërmarrësi kalabrez Antonio Gallo i njohur me nofkën “Princi”, me lidhje të ngushtë me të gjithë bosat mafiozë e i devotshëm në aferat kriminale të Ndranghetas e me investime në Shqipëri.
Kush është Ercole D’Alessandro?
Ky i fundit përdorte si “zar” ish-nëntenentin e Guadia di Finanzas Ercole D’Alesandro, i cili bënte lidhjet e Princit me Shqipërinë. Në dosjet e zbardhura nga Ora News shkruhet se, ky i fundit i shërbente Princit me informacione mbi operacionet e policisë italiane e hetimet e Antimafias duke siguruar një vend pune për djalin e tij në një kompani që Antonio Gallo kishte hapur në Shqipëri.
Roli i babë e bir, zyrtarë italianë
Në dosje përmenden edhe këshilltari në komunën e Cattanzaros Tomasso Brutto dhe i biri i tij, Saverio Brutto, këshilltar në komunën e Simeri Crichi në provincën e Katanzaros. Aktiviteti sipërmarrës ishte nën lupën e zyrtarëve italianë, pasi po përpiqeshin të hapnin në Shqipëri një sipërmarrje tip Brico me aksione të barabarta mes tyre, për tregtimin e materialeve për parandalimin e aksidenteve. Shuma fillestare e investimit të tyre do të jepej nga Antonio Gallo.
LIDHJET
Tomasso Brutto ndjehej i siguruar se në këtë aferë ishte ortak dhe financieri Ercole. Ky i fundit e siguroi Brutton se kishte lidhje të forta me Shqipërinë dhe se për të përfunduar marrëveshjet e biznesit duheshin paguar ryshfete. “Duhet të paguash e të paguash një person të vetëm e në nivel Ministrie e vetëm tek njëri aman…”-thotë ai në takimin e tyre të dytë më 24 prill 2017. Ata e inauguruan më 22 qershor 2017, aktivitetin e tyre sipërmarrës në Shqiqëri dhe pikë referuese ishte i biri i Ercoles.
Përfshirja e Talaricos dhe Cesëz
Sekretari rajonal i Partisë UDC dhe këshilltar bilanci në Kalabri, Francesco Talariko, përfshihet në përgjimet për tenderat në Shqipëri. “Korrupsioni është total” thonë në bisedat me njëri-tjetrin Talarico dhe Ercole ‘Dalessandro, -bëhet biznes pa tendera”.
Në biseda shfaqet dhe emri i eurodeputetit Lorenzo Cesa që sipas tyre “mund të shfrytëzohej për të vendosur lidhje në Shqipërinë për aferat e tyre… “mjaft që një ministri në Shqipëri t’i japësh…” Pozicioni i europarlamentarit Lorenzo Cesa, krijon interesa të mëdha për të investuar në Shqipëri e kryesisht në sektorin e sistemit mjekësor, në klinika, spitale në tregtimin e instrumenteve mjekësore etj. Investimet në Shqipëri ishin shtrirë dhe në sektorin e ndërtimit.
****
Mes bisedave të përgjuara, të cilat Ora News i ka siguruar, janë ato ku sipërmarrësit Antonio Gallo dhe Antionio Speziali flasin me avokatin Claudio Larussa, përfaqësues i politikanëve Tomaso e Saverio Brutto. Biseduesit aludojnë lidhjet me një person pranë kryetarit të bashkisë së Tiranës, shqiptari i quajtur Nik, ndërkohë që vetë Claudio Larusa pohon se ka takuar kryetarin e Bashkisë së Tiranës, Erion Veliaj ku çmimet e shitjes për një metër katror shkojnë deri në 2-3 mijë euro në qendër të qytetit në zonën pranë Pallatit të Kulturës.
PYETJA QË NA MUNDON TË GJITHËVE ËSHTË SE KUSH ËSHTË NIKU?
SIPAS PËRGJIMEVE, NIKU ËSHTË PRESIDENTI I GRUPIT SOL NË SHQIPËRI, pronar i GTS Gazra Teknike Shqiptare sh.p.k. NJIHET NDRYSHE NGA ITALIANËT SI NIKU I OKSIGJENIT për faktin e thjeshtë sepse ka përfituar tendera me vlerë marramendëse për furnizimin me oksigjen të spitaleve të vendit.
Fakti i çuditëm në lidhje me këtë kompani në pronësi të grupit SOL, me pronarë italianë në letra, është se nuk ishte bërë asnjëherë e dëgjuar deri më tani për përfitimine parave publike. Një vlerë e frikshme prej 7.8 MILIARD LEKËSH për 80 tendera, 40 prej tyre me REDFLAGS.
"ME LIDHJE ME SPITALET, ME ENEL, ME TË GJITHA KA LIDHJE… E MA THA QARTË SE TENDERAT DUAN 20% -SHIN MË THA… POR MUND TA PAGUAJNË ATA."- THONË ITALIANËT NË PËRGJIMET E TYRE.
