Të enjten është zbuluar një kufoma e një balene e cila shihet nga zbuluesit si një ndër më të mëdhatë të gjetura në Mesdhe. Gjetjen e kufomës së gjallesës e kanë bërë të ditur rojet bregdetare italiane, të cilët e gjetën atë në brigjet e Italisë së jugut, konkretisht në afërsi të portit të Sorrentos, pranë Napolit. Rojet shprehen se gjetja e balenës së stërmadhe u bë falë udhëheqjes nga një balenë e vogël e cila shfaqte sjellje të çuditshme.
Pasi ndoqën balenën e vogël, zhytësit e Rojës Bregdetare zbuluan kufomën e balenës së madhe. Për ta tërhequr gjallesën e ngordhur që peshonte rreth 70 ton, është dashur dy anije patrullimi, dhe shumë kohë pasi moti nuk ka qenë favorizues. Roja bregdetare e transportoi më pas balenën e ngordhur nga Sorrento për në portin e Napolit, ku mbërriti të mërkurën. Shkaku i ngordhjes së balenës nuk dihet ende, teksa pritet edhe studimi i eshtrave nga ana e biologëve.
Burimi: voanews.com/Përktheu dhe përshtati: JOQ Albania
