Ambasada e Francës në Kosovë ka thënë se pret zgjedhje të standardeve ndërkombëtare më 14 shkurt.
Po ashtu, ambasada franceze ka folur edhe për procesin e certifikimit të kandidatëve për deputet duke thënë se kjo çështje është ligjore dhe ka mundësi ankese, prandaj duhet lejuar të punojnë pa ndërhyrje, njofton Klan Kosova.
“Ne presim nga institucionet e Kosovës që të sigurojnë organizimin e zgjedhjeve të besueshme, gjithëpërfshirëse dhe transparente, të zhvilluara në përputhje me standardet ndërkombëtare. Procedurat parazgjedhore, përfshirë certifikimin e kandidatëve, janë ende në vazhdim. Këto procedura përcaktohen me ligj dhe përfshijnë mundësi ankese. Është e rëndësishme që institucionet e pavarura dhe organet përkatëse gjyqësore të jenë në gjendje të kryejnë punën e tyre pa ndërhyrje”.
/klankosova
