Mbrëmjen e kaluar Atletico Madrid mori një fitore mëse të merituar në përballjen me Eibar. Ylli i kësaj ndeshjeje ishte uruguajani Luis Suarez i cili shënoi dy gola duke i dhënë fitore ekipit të tij me rezultatin 1-2. Pjesa e parë e ndeshjes përfundoi me rezultatin 1-1 me golin e parë nga Eibar dhe atë e shënoi Dmitrovic në minutën e 12-të të ndeshjes. Ndërsa Suarez barazoi këtë rezultat në minutën e 40-të te ndeshjes. Në pjesën e dytë Atletico ishte më e mirë dhe në momentin që ndeshja pritej të përfundonte barazim, atëherë në minutën 89 akordohet penallti për Atleticon, të cilën Suarez e shndërron në gol. Në këtë mënyrë, Suarez barazon Lionel Messi në krye të listave të La Liga me 11 gola. Uruguajani gjithnjë e më shumë duket si një lojtar që mund ta çojë skuadrën e tij drejt titullit.
