Një ngjarje e rëndë është regjistruar mbrëmjen e djeshme në Durrës. Një 50-vjeçar është hedhur nga tarraca e banesës së tij dhe ndodhet në gjendje të rëndë në spital.
Policia njofton se më datë 20.01.2021, në urgjencën e spitalit rajonal Durrës ka shkuar i lënduar shtetasi A. M., 50 vjeç, banues në Durrës.
Nga verifikimet e bëra ka rezultuar se ky shtetas duke qenë në gjendje të dehur është vetëhedhur nga tarraca e katit të dytë të banesës së tij. Aktualisht ndodhet nën kujdesin e mjekëve, në gjendje të rëndë shëndetësore.
