Kompania austriake “Nanographics” duket se ka bërë të mundur dhe zbulimin e fotos së parë reale se si duket në të vërtetë koronavirusi. Pamjet nuk janë një model, por imazhe 3-D të viruseve të vërtetë SARS-CoV-2 nga mostra të ngrira. Sipas Nanographics, ka shumë pamje të këtij virusi, por ajo që kanë të përbashkët të gjithë është forma e tyre sferike me proteinat karakteristike që patogjenit i nevojiten për t'u ankoruar dhe depërtuar në qelizat njerëzore.
Vizualizimet e ndërmarrjes vjeneze tani bazohen në të dhëna nga studiuesit nga Universiteti Tsinghua në Pekin. Atje, një ekip i udhëhequr nga Shkolla e Shkencave të Jetës arriti të nxjerrë grimcat e paprekura të virusit SARS-CoV-2 në mostra, t'i skanojë ato me mikroskop krioelektronike dhe t'i dixhitalizojë, shpjegoi Ivan Viola nga Universiteti Teknik (TU) në Vjenë. Ishte e rëndësishme që struktura e proteinave spike të mos ndryshohej sa më shumë që të ishte e mundur kur mostra u skanua. Vizualizimi është përfaqësimi i parë në botë i të dhënave të tilla në një cilësi kaq të lartë vizuale. Metodat e zhvilluara nga studiuesit kanë për qëllim të ndihmojnë në analizimin e të dhënave të mikroskopisë biologjike më lehtë dhe më shpejt në të ardhmen.
Burimi:science.orf.at Përktheu dhe përshtati:JOQ ALBANIA
