Një aeroplan me rreth një milion doza të vaksinave të kompanisë kineze "Sinopharm" ka ‘zbarkuar’ gjatë ditës së sotme në Serbi. Vaksinat u mirëpritën nga Presidenti Aleksandar Vuçiç në aeroportin e Beogradit, teksa ky vend bëhet shteti i parë evropian që pranon vaksinën kineze. Ndërkohë Vuçiç u shpreh se ardhja e vaksinës kineze është një provë e miqësisë së madhe midis Serbisë dhe Kinës. I shoqëruar nga ambasadorja kineze në Beograd, Chen Bo, Vuçiq u shpreh se vaksinën do ta bënte dhe vetë.
Vuçiç deklaroi:
Ndër të tjera, Presidenti i Serbisë, tha se pas disa ditëve pritet që rregullatori i barnave në Serbi të miratojë për përdorin vaksinën e Sinopharm, duke lejuar që administrimi i kësaj vaksine të nisë brenda javës. Mësohet se në Serbi deri më tani janë vaksinuar mbi 20,000 qytetarë, teksa po përdoren vaksinat e krijuar nga kompanitë Pfizer dhe BioNTech, por edhe vaksinën ruse Sputnik-V. Ai shtoi se është e rëndësishme që Serbia të ketë një numër të madh të dozave të vaksinave, pasi është e nevojshme të vaksinohet kushdo në ushtri, polici, biznese, banka, shkolla etj. Gjithashtu Vuçiç tha se Serbia pritet të pranojë javën e ardhshme edhe 250,000 doza të vaksinës Sputnik-V, 20,000 doza të tjera të vaksinës së Pfizerit, si dhe në muajin qershor, do të sigurojë edhe doza të vaksinës së kompanisë AstraZeneca dhe të Modernas.
Burimi: rtv.rs/Përktheu dhe përshtati: JOQ Albania
