JOQ Albania
App Store
SHKARKO
Home
JOQ Albania

Studimi/ Varianti britanik i Covid po vret më shumë gratë!
Shkruar nga: N Hoxha | Publikuar më: 13/01/2021 12:31

  • Share
  • Share
  • Share
  • Share

Sipas një studimi të fundit varianti britanik i Covid rrezikon më shumë gratë! Ky është rezultati më i fundit i nxjerrë nga shifrat zyrtare të koronavirusit, ku është parë se ka më shumë viktima gra se burra. Këtë gjë ekspertët e lidhin pikërisht me variantin e ri që po përhapet me ritme të shpejta në botë.

David Strain, një pedagog klinik në Universitetin e Exeter tha:

Tani virusi është më virulent, ju duhet sasi shumë më e ulët për të shkaktuar infeksionin, prandaj njerëzit që më parë nuk kishin gjasa të kapnin sëmundjen, si gratë e reja në formë janë papritmas të prekshëm. Pacientët më të rinj, veçanërisht gratë janë më të rrezikuara.

Në lidhje me vdekshmërinë spias gjinisë, burrat ende vdesin në numër më të lartë se gratë në përgjithësi, por vërehet një ekuilibër midis gjinive krahasuar me pranverën. Në valën e parë, 61 % e viktimave ishin burra dhe 39% ishin gra. Aktualisht raporti është 57 % burra dhe 43 %janë gra, sipas “The Sun”. Ka patur një sërë përpjekjesh për të shpjeguar pse burrat janë më të rrezikuar nga virusi vdekjeprurës Covid-19, përfshirë këtu që bëhet fjalë për ndryshime gjenetike që ndikojnë në sistemin imunitar. Disa ekspertë thonë se gjaku i burrave e bën më të lehtë për koronavirusin të infektojë qelizat. Burrat kanë më shumë enzimë ACE2, të cilën virusi e përdor për të hyrë në qeliza.

Një tjetër ekspert, prof. McConway shtoi:

Dallimet në vdekjet midis burrave dhe grave po shkojnë në të njëjtin drejtim si ato në valën e parë, kur shumë më shumë burra vdisnin sesa gratë. Është akoma e vërtetë që shumë më shumë burra po vdesin sesa gratë, por ndryshimi në vdekjet midis burrave dhe grave është pak më i vogël se sa ishte në valën e parë.

Burimi: The Sun | Përktheu dhe Përshtati: JOQ Albania