Pasditen e sotme, ISHP njoftoi për 7 viktima nga koronavirusi, ku më i riu ishte një 21-vjeçar. Mësohet se bëhet fjalë për një djalë të ri nga Durrësi, i cili kishte edhe sëmundje të tjera shoqëruese. V.Bici kishte rezultuar disa ditë më parë pozitiv me koronavirus, por sëmundjet shoqëruese dhe përkeqësimi i gjendjes së tij shëndetësore bënë që mjekët të vendosnin për shtrimin e tij tek Infektivi. 21-vjeçari rëndonte rreth 160 kilogram dhe ishte i shtruar prej disa ditësh te Spitali Infektiv, por nuk ia doli të mposhtë sëmundjen.
