Një i ri shqiptar ka rënë në prangat e policisë italiane me akuzat e përndjekjes dhe kërcënimit. Ky i fundit ishte akuzuar nga ish e dashura 20-vjeçare, pasi gjatë lidhjes riu i kërkonte që të vishej me rroba të mbyllura dhe të hiqte dorë nga rrjetet sociale. Por pas ndarjes përndjekjet dhe dhuna psikologjike ndaj vajzës u shtuan më shumë nga ana e 21-vjeçarit shqiptar. I riu deklaroi se të gjitha veprimet që kishte bërë ishin për shkak të xhelozisë, ndërsa në momentin që e dashura e ndau, 21-vjeçari e kishte kërcënuar atë se nëse niste një lidhje të re do e vriste. Por, përveç kësaj shqiptari kishte kryer shumë vepra penale ndaj familjes italiane, duke i shkatërruar makinën, dëmtuar shtëpinë dhe fyer prindërit e saj. Ndërkohë, në fund të muajit dhjetor ai kishte hedhur një bombë të krijuar vetë në ballkonin e saj, duke shkaktuar shumë dëme në strukturën e banesës dhe trembur familjen. Pas arrestimit në Cornaredo të Milanos, ai është dërguar në burgun e San Vittores.
Burimi: www.dayitalianews.com | Përktheu dhe përshtati: JOQ ALBANIA
