Automjeti shpërthen në flakë, plagosen 7 persona, 4 prej tyre në gjendje të rëndë

Disa çastë më parë është regjistruar një aksident i rëndë në Klinë të Pejës në Kosovë, ku një autoveturë është shkatërruar plotësisht dhe është shkrumbuar nga flakët. Si pasojë e aksidentit të frikshëm, shtatë persona janë lënduar, ndërsa 4 prej tyre janë në gjendje të rëndë.

Ndërkohë, zëdhënësi i Policisë në rajonin e Pejës, Fadil Gashi është shprehur se:

Katër nga ta kanë lëndime më të rënda dhe janë dërguar në Emergjencën e Spitalit Rajonal të Pejës, ndërkaq tre të tjerët me lëndime më të lehta janë dërguar në Qendrën e Mjekësisë Familjare në Klinë.

Vlen të theksohet se ende nuk dihen rrethanat e ngjarjes.