Zyrtarët norvegjezë këmbëngulën të hënën se kishte "ende shpresë" në gjetjen e të mbijetuarve pesë ditë pasi një rrëshqitje e dheut vrau të paktën shtatë njerëz në një fshat në veri të kryeqytetit. Tre persona janë ende të zhdukur. Zëdhënësi i policisë Roger Pettersen tha se përpjekjet e kërkimit në fshatin Ask të goditur nga rrëshqitja e dheut, 25 kilometra (16 milje) në verilindje të Oslos, konsiderohen ende "një operacion shpëtimi". Temperaturat shumë të ulëta "po funksionojnë kundër nesh, por ne kemi qenë shumë të qartë në këshillat tona për (ekipet e shpëtimit) se për sa kohë që ka zgavra ku të zhdukurit mund të kenë qëndruar, është e mundur të mbijetojnë", tha Dr. Halvard Stave, i cili merr pjesë në operacionin e shpëtimit.
"Unë ende do ta përshkruaja situatën si shumë joreale," Anders Oestensen, kryetari i komunës së Gjerdrum, ku ndodhet Ask.
Ekipet e kërkimit të patrulluara me qen ndërsa helikopterët dhe dronët me kamera zbuluese të nxehtësisë fluturuan mbi kodrën e shkatërruar në Ask, një fshat me 5,000 banorë që u godit nga rrëshqitja më e keqe në historinë moderne Norvegjeze. Të paktën 1.000 njerëz u evakuuan. Numri i kufizuar i orëve të dritës në Norvegji në këtë kohë të vitit dhe frika e erozionit të mëtejshëm kanë penguar operacionet e shpëtimit. Toka është e brishtë në vend dhe nuk mund të mbajë peshën e pajisjeve të rënda të shpëtimit.
Shkaku i saktë i aksidentit nuk dihet ende, por zona është e njohur për të pasur rrëshqitje dheu. Ekspertët thanë se dheu i butë e kombinuar me reshje të tepërta dhe mot të lagësht dimri, mund të ketë kontribuar në rrëshqitjen e dheut. Në vitin 2005, autoritetet norvegjeze paralajmëruan njerëzit të mos ndërtonin ndërtesa banimi në zonë duke thënë se ishte "një zonë me rrezik të lartë" për rrëshqitjet e dheut, por shtëpitë u ndërtuan përfundimisht atje pas një dekade.
Burimi:afp. Përktheu dhe përshtati:JOQ ALBANIA
