JOQ Albania
App Store
SHKARKO
Home
JOQ Albania

SONDAZHI/ I hoqi titullin e nderit Veton Surroit dhe më pas i kërkoi ndjesë, 85% e votuesve: Safet Gjici është qesharak!
Shkruar nga: N Hoxha | Publikuar më: 29/11/2020 23:33

  • Share
  • Share
  • Share
  • Share

Para dy ditësh u publikua një video kur Këshilli i Qarkut i Bashkisë së Kukësit vendosi t’i heqë titullin “Qytetar Nderi” publicistit të njohur në Kosovë, Veton Surroi, titull të cilin e ka marrë në vitin 2015. Në video shihet që kryebashkiaku Safet Gjici insiston se Surroi nuk e meriton titullin pasi sipas tij, ai ka bërë fushatë politike. Madje në një moment Gjici dëgjohet të thotë se publicisti duhet të shkojë në Gjykatë.

Ai u shpreh:

Jo vetëm që ai ka marrë një…si ta kuptojmë ne këtë. Ai po bën fushatë, ne nuk mund ta pranojmë si nder qarku, çfarë nderi qarku është kjo? Le të shkojë në gjykatë. Ai flet për interesat e veta, ky motivacion bie ndesh me atë që flet ai çdo ditë këtu. Ai flet hapur, nuk flet kot dhe në mënyrë kalimtare.

Por pak më pas, kryebashkiaku kërkoi ndjesë dhe tha se nuk e kishte menduar gjatë vendimin e marrë dhe tha se kjo ishte kërkesa e 57 familjeve të Dëshmorëve të UÇK-së. Në lidhje me këtë vendim dhe sjelljen aspak serioze për një titullar, JOQ Albania krijoi një sondazh.

Pyetja që u shtrua ishte kjo:

Këshilli i Qarkut Kukës i hoqi titullin Veton Surroit, më pas Safet Gjici kërkoi ndjesë se nuk e kishte menduar gjatë. A është qesharak kryetari i Bashkisë Kukës, Safet Gjici?

Në përfundim të votimit rezulton se 85% e qytetarëve mendojnë se, po, Safet Gjici është qesharak; ndërsa 15% e tyre shprehen se ai nuk është i tillë.