Dy ditë më parë u shënua plot një vit nga tërmeti tragjik i 26 nëntorit, ku humbën jetën 51 persona dhe u shkaktuan dëme kolosale materiale. Shumë familje i kujtojnë me dhimbje momentet e tmerrshme të atij mëngjesi, i cili iu ndryshoi përgjithmonë jetën. Në shumë intervista, të mbijetuarit kanë rrëfyer momentet e para dhe përpjekjet për të shpëtuar personat e afërm nën rrënoja. Por, përveç dhimbjevve dhe dëmeve që la pas tërmeti tragjik, një problem i ndjeshëm që vijon ende, është pikërisht fakti se shumë familje po jetojnë nëpër çadra.
Premtimet e qeverisë për rindërtimin ishin të mëdha, ku ndër të tjera u tha se brenda vitit familjet, shtëpitë e të cilave u dëmtuan do të futeshin në shtëpi të reja dhe për këtë Arben Ahmetaj u emërua Ministër për Rindërtimin. Por faktet tregojnë të kundërtën, pasi siç e përmendëm shumë familje po e kalojnë jetën mes çadrave apo kontejnerëve, ndërsa jo pak herë ankohen për kushtet e vështira dhe acarin që sapo ka nisur. Në lidhje me këtë problematikë JOQ Albania krijoi një sondazh.
Pyetja që u shtrua ishte e tillë:
Nga votimi i qytetarëve vihet re se 87% e tyre shprehen se qeveria nuk e mbajti premtimin e dhënë; ndërsa një pakicë prej 13% e tyre votuan se premtimi për rindërtimin u mbajt.
