Oligarkët nuk ngopen me paratë e shqiptarëve! +707 MILIONË kompanive të koncesioneve të Shëndetësisë

Shkruar nga: F Tenolli | Publikuar më: 24.11.2020, 20:10

EVITA vërtet që nuk ka të ndalur! Pas denoncimeve të herë pas hershme të redaksisë së JOQ për kompaninë me përfitime të mëdha nga dora e Ministres së Shëndetësisë, Ogerta Manastirliu 707 MILIONË LEKË pa TVSH do t’i paguajnë shqiptarët EVITËS këtë herë për të furnizuar Qendrën e Transfuzionit të Gjakut me kite për testime për 12 muaj.

Ajo që është më e çuditshmja në këtë histori është fakti se sërish, EVITA, ka marrë pjesë në një tender të hapur pa konkurrim, ku ofertues i vetëm ka qenë ashkimi i dy kompanive. Por nëse i rikthehemi artikujve tanë të mëparshëm, do të kuptoni se ky nuk është rasti i parë kur ish-kompania e Majlinda Fetiut ka fituar edhe një tjetër tender nga Ministria e Shëndetësisë me vlerë 1.8 miliardë lekë me objekt, “Blerje teste dhe materiale të nevojshme konsumabile për pajisjen COBAS 6800 për një periudhë 6 muaj”.

Kjo kompani ka fituar edhe tendera të mëparshëm, si ai i Hemodializës, ku EVITA u bashkua në “DIAVITA” me kompaninë e Klod Allajbeut, administratorit të spitalit Amerikan në Tiranë dhe televizionit ABC News. Nga ana tjetër në lojë është futur edhe ortaku i Vilma Nushit, Janis Karathano, aksioneri i vetëm i kompanisë PEGASUS drejtuese e së cilës më herët ka qenë Nazife Bello, e ëma e ish – drejtoreshës së Farmaceutikës në Ministrinë e Shëndetësisë, Shpresa Bello. Kështu PEGASUS rezulton të ketë lidhje të drejtpërdrejtë edhe me koncesionin e “CHECK-UP”-it dhe koncesionin e LABORATORËVE 13 MILIARD LEKË, pasi është zotëruese e AB Laboratory Solutions BV, një prej kompanive të konsorciumit që ka fituar koncesionin.

Rezulton se Pegasus e Karathanos ka përfituar që nga viti 2015 e deri më sot nga institucione të shëndetësisë 311 transaksione monetare me vlerë 11 miliard lekë.

Në vitin 2017, koncesioni i laboratorëve është fituar me një vlerë prej 130 milionë dollarësh nga kompania “Labopharma” e cila është po në pronësi të Janis Karathano, i cili asokohe skualifikoi nga gara mes disa kompanive edhe “Spitalin Amerikan” e tashmë bashkëpunon me kompaninë “gojë xhaje” të Allajbeut. Megjithatë duket se Majlinda Fetiu dhe kontaktet e saj e kanë bashkuar me Klod Allajbeun për të punuar më shumë së bashku duke përfituar tendera nga paratë e taksapaguesve shqiptarë.

Me pak fjalë ky tender që analizuam sot, 707 MILIONË LEKË PA TVSH i kanë hyrë në xhep dy kompanive zotëruese të dy koncesioneve, atë të Hemodializës dhe atij të Laboratorëve.


*Shënim I: Pjesët e nënvizuara në tekst me ngjyrë të kuqe, janë hiperlinke që të drejtojnë në faqe të tjera, informacione shtesë, shpjeguese në lidhje me lajmin*

© 2020 JOQ ALBANIA Të gjitha të drejtat e rezervuara

PERSONAZHI I VITIT 2021
KLIKO PËR TË VOTUAR
  • Elvis Naçi
    Drejtuesi i Fondacionit "Firdeus", i njohur si mirëbërësi i shqiptarëve të varfër me punën e tij të palodhshme. Banesat që po ndërtohen për të prekurit nga tërmeti, nga fondacioni i tij janë drejt fundit.
    Arjan Sala
    Heroi i Heshtur! Security i një qendre tregtare, i cili dha jetën mes flakëve për të shpëtuar punonjësit që ishin bllokuar nga zjarri në magazinë.
    Edi Rama
    Kryeministri unik, që shpiku skemën e patronazhistëve duke përgjuar shqiptarët dhe pavarësisht kësaj ata i dhanë edhe mandatin e tretë.
    Lulzim Basha
    Kreu i PD-së, rekordmen për qëndrimin në opozitë dhe guximtar për ‘vrasjen’ e babit të tij politik, Sali Berisha.
    Sali Berisha
    Ish-kryeministri i Shqipërisë dhe ish-kreu i PD-së, i cili, pavrësisht se u shpall “Non-grata” nga SHBA dhe u përjashtua nga PD, arriti të mblidhte Kuvendin Kombëtar të partisë që themeloi dhe e rithemeloi me një pjesëmarrje masive.
    Marin Mema
    Gazetari, i cili u angazhua në rindërtimin e banesave të rrënuara nga tërmeti dhe arriti të dorëzonte brenda disa muajsh çelsat tek qytetarët.
    Altin Goxhaj
    Avokati i njohur në Shqipëri, i cili ngre gjithnjë zërin publikisht ndaj shkeljes të së drejtave të qytetarëve të thjeshtë nga shteti.
    Klodian Elqeni
    I riu, i cili shkelmoi shoferin e çmendur që hyri me makinë në sheshin Skënderbej duke i rrezikuar jetën qytetarëve. Ai fluturoi mbi dritaren e makinës duke neutralizuar agresorin.
    Armando Broja
    Futbollisti i Kombëtares Shqiptare që po shkëlqen në kampionatin anglez. Performancë fantastike edhe me Kombëtaren shqiptare.
    Distria Krasniqi dhe Nora Gjakova
    Dy xhudistet nga Kosova që fituan medalje të artë në Lojërat Olimpike në Tokyo.
    Albin Kurti
    Kryeministri i Republikës së Kosovës, i cili fitoi zgjedhjet sërish dhe arriti të krijojë qeverinë e re në Kosovë.
    Lylzim Sulejmani
    Shqiptari nga Presheva, i cili arriti të shpëtonte 7 shqiptarë të Maqedonisë së Veriut nga autobusi, që shpërtheu në flakë në Bullgari.
Më të Lexuarat
Shkarkoni aplikacionin JOQ ALBANIA në platformat
Më të fundit