Gjendja e krijuar në Shqipëri si pasojë e pandemisë Covid paraqitet tejet e rënduar. Numri i rasteve të reja ka qenë tepër i lartë këto ditë, ndërsa spitalet janë futur në një kolaps total sa i përket përballimit të situatës dhe fluksit të shtuartë pacientëve. Ndërkohë, ditën e djeshme u publikuan disa pamje të rënda nga morgu i Tiranës, ku trupat e pacientëve që kishin ndërruar jetë nga Covid dergjeshin të shtrirë përtokë. Fotot ishin me të vërtetë të tmerrshme dhe kanë ngjallur panik tek njerëzit dhe nga ana tjetër diskutime se çfarë realisht po ndodh në ambientet e spitaleve dhe konkretisht tek morgu.
Gjithashtu ka patur edhe akuza se qeveria po fsheh numrin real të viktimave të shkaktuara nga koronavirusi dhe raportimeve të përditshme të rasteve të reja. Në lidhje me fotot e publikuara ditën e djeshme, JOQ Albania krijoi një sondazh me qëllim të kuptuarit e asaj se çfarë mendojnë qytetarët.
Pyetja që u shtrua ishte kjo:
Nga rezultati i votimit vihet re se 89% e qytetarëve shprehen që ministrja e Shëndetësisë Ogerta Manastirliu duhet të japë dorëheqjen; ndërsa vetëm një pakicë prej 11% e qytetarëve mendojnë se ajo duhet të vazhdojë të jetë në krye të postit që ka.
