JOQ Albania
App Store
SHKARKO
Home
JOQ Albania

SONDAZH/ 68% e votuesve: Numri i viktimave nga Covid është më i lartë se sa publikon qeveria
Shkruar nga: N Hoxha | Publikuar më: 20/11/2020 23:39

  • Share
  • Share
  • Share
  • Share

Shqipëria po kalon një fazë të vështirë në lidhje me pandeminë Covid. Çdo ditë po raportohen shifra të larta sa i përket numrit të të infektuarve dhe rasteve të reja. Shifrat ditët e fundit kanë qenë konstante dhe mjaft të larta, ku në çdo 24 orë janë raportuar mesatarisht mbi 500 të infektuar. Problem tjetër gjithashtu në lidhje me situatën e krijuar, ka qenë edhe kapaciteti i spitaleve për të përballuar fluksin e lartë të pacientëve. Me anë të disa fotove të publikuara gjerësisht në media, kemi parë që spitalet janë tejmbushur dhe pacientët presin në radhë për të marrë trajtim mjekësor.

Gjithashtu një çështje e përfolur ka qenë edhe fakti se qeveria po fsheh numrin real të viktimave nga koronavirusi. Skandalet kanë qenë nga më të ndryshmet në fakt dhe informacioni se çfarë ndodh brenda mureve të spitaleve ka qenë mjaft i pakët. Lidhur me këtë çështje JOQ Albania krijoi një sondazh.

Pyetja që u shtrua ishte kjo:

A mendoni se numri i viktimave nga COVID-19 është shumë më i lartë se shifrat e publikuara nga qeveria?

Nga rezultati i votimit vihet re se 68% e qytetarëve mendojnë se qeveria po e fsheh numrin real të viktimave, ndërsa 32% tyre shprehen se po raportohet numri i vërtetë i viktimave të shkaktuara nga koronavirusi.